Baptisma Chan Dan Hi I Zirchiang Leh Lawk Teh Ang U
"Sawi a khaat emmai — Bible kalphung leh zirtirna thûk zâwk atangin i thlir fiah ang u."
"Pa, Fapa leh Thlarau Thianghlim hming ah chuan..."
"Isua Krista hmingin baptisma chang theuh ula..."
Tirhkohte 2:38-a "Isua Krista hmingin" tih hi Petera hian baptisma chan dan formula a sawina a ni lo. He lai hian "Isua Krista thuneihna leh A hnathawh ringin" tihna a kawk zâwk a ni.
Lehkhaah "VCP Pu Vunga hmingin he thil hi ti rawh u" a tih chuan, chu thil chu "PU VUNGA" tih thumal lam chung zêla tih tûr tihna ni lovin, Pu Vunga thuneihna (authority) hnuaia tih tûr tihna a ni.
Tirhkohte thiltihah khan Petera'n a biak berte kha Juda mite an ni. Judate chuan Pa (Jehova) leh Thlarau Thianghlim chu an ring sa vek tawh a; mahse, Isua kha Messia (Krista) a ni tih an la pawm lo a ni.
Chuvângin Petera chuan, "Isua Krista hmingin baptisma chang rawh u" tiin, an hnawl tâk Isua kha an chhandamtu a nihna hnuaia tlu lût tûr leh Amah ring tûr khân a sawm a ni.
Mite hian Baptist leh a dangte baptisma chantir dan hi a dik lo an tih fo chhan chu Tirhkohte bua "Isua hmingin" tih leh Baptist-te hman dân "Pa leh Fapa leh Thlarau Thianghlim hming ah chuan" tih hi a hrang anga a lan vâng a ni.
Isua Thupêk Ngei Kan Zui Vâng A Ni
Baptist leh a danghote hian mahni thua phuahchawp lovin, Matthaia 28:19-a chhandamtu Isua Krista thupêk hnuhnung ber leh fiah ber kha an zui a ni. Isua khân fiah takin, "Pa leh Fapa leh Thlarau Thianghlim hmingin baptis ula," tiin thupêk a hriattir a. Lalber berin A zirtirte hnêna A kalsan dâwna kalphung (formula) A siam tawh lo thlâk danglam kha a dik lo zâwk dâwn a ni.
"Isua Hming" Kan Tih Hian Mî-Pathum Pathian A Huam Sa
Tirhkoh Petera'n “Isua Krista hmingin baptisma chang rawh u” a tih hian, Pa leh Thlarau Thianghlim kha a hnawl chuang lo.
Kolossa 2:9: "Amahah chuan Pathian famkimna tinrêng chu taksa neiin a awm reng si a."
Chuvângin, Isua Krista hming chhal a baptisma chang chung khân, Pa leh Fapa leh Thlarau Thianghlim (Trinity) thuneihna chu a inphûm sa reng a ni. Baptist-te leh a dangte hian Tirhkohte zirtirna kha phat chuang lovin, Isua thupêk kha an ti puitling zâwk a ni.
Thumal nge Thuneihna?
Hriat sual fo thin chu Tirhkohte 2:38-a "Isua hmingin" tih hi baptisma chantir dâwna thumal lam chhuah tûr emaw tihna a ni lo. Bible-ah hian "Isua hmingin" tih chu "Amah ringin leh A thuneihna hnuaiah" tihna a ni zêl:
- Tirhkohte bu vekah hian "Isua hmingin dam rawh u" te, "Isua hmingin thu an zirtir" te kan hmu a. Chûng thilte chu thumal lam ringawt ni lovin, Isua thuneihnaa an tih a ni.
- Chutiang chiah chuan, Baptist-te hian Isua thuneihna ringin baptisma chu an chantir a, chutianga an chantir lai chuan Isua thupêk ang chiahin Pa, Fapa, leh Thlarau Thianghlim hming chu an chhal thin a ni.
Chuvângin, Baptist-te hian Petera sawi (Isua thuneihna) leh Isua thupêk (Trinity hming chhal) kha an ti sual lo va, Bible zirtirna an zawm tluang hle zâwk a ni.
I PAWM AWIH NGAM DÂWN EM?
Bible thu tak hi tlangzarh a, hriattir zêl tûr a ni e.